Moliya direktori | Финансовый директор

1. Lavozim haqida umumiy ma’lumotlar.

1.1. Shtat ma’lumotlari:
a) lavozim nomi – Moliya departamenti direktori (bundan keyin matnda direktor);
b) bo‘lim – Moliya va iqtisod departamenti;
c) kimga bo‘ysunadi – Bosh boshqarma bosh direktori;
d) kimlar unga bo‘ysunadi – Bosh boshqarma hamda brend ostida faoliyat ko‘rsatuvchi kompaniyalardagi barcha moliya xodimlari;
e) lavozim maqsadi – kompaniya hamda brend nomi ostida faoliyat yuritayotgan kompaniyalarda moliyaviy va iqtisodiy jarayonlarni samarali tashkil etish, moliyaviy-iqtisodiy barqarorlikni ta’minlash hamda resurslardan oqilona foydalanishni yo‘lga qo‘yish.

1.2. Ish faoliyati:
a) ish joyi – Shartnomaga ko‘ra;
b) ish vaqti tartibi – Shartnomaga ko‘ra;
c) ish kiyimi – klassik.

1.3. Umumiy vazifalar:
a) departament faoliyatini boshqarish va muvofiqlashtirish;
b) moliyaviy siyosatni ishlab chiqish va amalga oshirish;
c) budjetlashtirish va moliyaviy rejalashtirish jarayonlarini tashkil etish;
d) kompaniyalarda moliyaviy jarayonlarni nazorat qilish;
e) daromad va xarajatlar harakatini monitoring qilish;
f) moliyaviy hisobotlarni tayyorlash va tahlil qilish;
g) moliyaviy samaradorlikni oshirish bo‘yicha strategiyalar ishlab chiqish;
h) banklar, soliq organlari va investorlar bilan hamkorlikni yo‘lga qo‘yish;
i) moliyaviy xavflarni aniqlash va boshqarish;
j) rahbariyatga moliyaviy natijalar bo‘yicha hisobotlar taqdim etish.

1.4. Talab etilgan ma’lumot:
a) oliy ma’lumot (moliya, iqtisod yoki buxgalteriya yo‘nalishi bo‘yicha);
b) magistr darajasi (afzal);
c) ACCA, CIMA yoki boshqa professional moliyaviy sertifikatlar (afzal).

1.5. Ish tajribasi:
a) moliya yoki buxgalteriya sohasida kamida 3–5 yillik boshqaruvchilik tajribasi;
b) bir nechta filial yoki tarmoq bilan ishlash tajribasi (afzal).

1.6. Bilimlar:
a) moliyaviy boshqaruv asoslari;
b) buxgalteriya hisobi va soliq qonunchiligi;
c) budjetlashtirish va moliyaviy rejalashtirish;
d) moliyaviy tahlil va prognozlash;
e) moliyaviy hisobot standartlari;
f) ichki nazorat va audit tamoyillari;
d) o‘zbek tilini (og‘zaki va yozma tarzda) mukammal bilishi (ingliz tilini ham bilishi afzal);
e) MS Office (Word, Excel), Google Drive va boshqa raqamli vositalarni bilish.

1.7. Ko‘nikmalar:
a) moliyaviy tahlil va hisobot tayyorlash;
b) KPI asosida ishlash;
c) hisobot tayyorlash;
d) kuchli strategik fikrlash va tizimli boshqaruv ko‘nikmalari;
e) jamoa bilan ishlash, liderlik va kommunikatsiya qobiliyati.

1.8. Shaxsiy sifatlar:
a) liderlik qobiliyati;
b) mas’uliyatlilik;
c) tizimli fikrlash;
d) adolatli baholash;
e) natijaga yo‘naltirilganlik;
f) stressga chidamlilik.